PROJEKTI: "Ne për gratë".

Mbështetur nga: Ambasada Amerikane, Programi i Granteve të Vogla.

Zbatuar nga: Fondacioni Agjensia Rajonale e Zhvillimit, Korçë.

Qëllimi i projektit ishtetë integronte dhe fuqizonte gratë e varfra të dalin dhe rrethi i varfërisë për veten dhe familjet e tyre dhe të parandalojë trafikimin e qënieve njerëzore.

Qëllime specifike:

• Rritja e vetë-besimit dhe vetë-vlerësimit për grupin e zgjedhur.
• Trajnimi dhe fuqizimi i grave që të punësohen plotësisht në fushën e zgjedhur prej tyre duke ndjekur kurset e duhura profesionale dhe të biznesit.
• Ofrimi i mundësive për punësim dhe punësimi i grupit të synuar, të paktën 20 gra.
• Të sigurohet që gratë të vlerësohen për kontributet e tyre të paguara dhe të papaguara për familjet dhe komunitetin, pavarësisht nga gjendja e tyre ekonomike;
• Të sigurohet se çdo grua, pavarësisht nga gjendja e saj ekonomike, do të gjejë respekt, mbështetje dhe asistencë kur ka nevojë si dhe akses të barabartë në burimet e komunitetit:
  
• Dhënie fund diskriminimit bazuar në sjellje stereotipike, negative rreth grave dhe varfërisë;
• Mbledhja e grave, familjeve, komuniteteve rurale dhe qeverisë lokale së bashku për të ngritur partneritete dhe plane veprimi me qëllim që komunitetet rurale të bëhen të qëndrueshme për të gjithë;
• Shpresë, risi, lidership, qëllime të përbashkëta dhe respekt për diversititetin me qëllim që t’i jepet fund varfërisë në komunitetet tona.

Rezultatet specifike të matura në fund të projektit:

• U plotësuan më shumë se 100 pyetësorë me qëllim identifikimin e grave me probleme varfërie dhe papunësie.
• U intervistuan rreth 70 gra për të përcaktuar problemet specifike që kërkonin zgjidhje.
• U mentoruan dhe u asistuan 30 gra – përfituese të projektit – 24 nga te cilat u punësuan / vetë-punësuan në fund të projektit.